阿嬌，鍾欣桐剛完成電影<前度>拍攝，又要遠赴無錫拍攝國內電視劇，忙過停，農曆新年要於工作中渡過。早前阿嬌於一日內拍攝2首MV，包括<心多>及與William陳偉霆合唱的歌曲<什麼是潮流>。於片廠內拍攝。<心多>歌曲描述如自已有堅定的意志和目標就唔會因為太多選擇而令自己眼花撩亂，左搖右擺喇！MV找來2位Dancers與阿嬌一起拍攝。
另一MV便是跟William合唱的<什麼是潮流>，拍攝當天William患上重感冒，喉嚨痛得開不了聲說話，卻被安排與阿嬌有親密鏡頭，阿嬌並沒有因此而忌諱，更謂：「好小事啫！我底子okay，無咁容易傳染嘅！」專業得很。問William怕唔怕傳染感冒俾阿嬌，William道：「哎吔！我當然唔想啦！一有近距離的畫面我就閉氣同拎開塊臉抖氣！希望無事啦！一陣拍完MV我會即刻去睇醫生架喇！」話時話睇過個MV之後，發覺William原來閉氣都閉得好形架喎！
當日導演安排一個Cat Walk台拍攝，阿嬌與William兩人只需要好似Model咁！行下Cat Walk擺下Post便可以了，怎知這麼簡單的拍攝也會發生意外，話說兩人於台上有一些舞蹈式的瑜珈動作，其中William瞓於台上，阿嬌背內William身前以站立式拱橋拗於William身上，而William要用手輕托令阿嬌背部再令她企直，整個動作都要靠阿嬌自已來平衡，難度真係有9.9級架!頭2個take都安然無恙，怎知去到第3 take阿嬌用力過度，失去平街衡，企直後整個人向前傾，倒向Cat Walk台下，嚇得導演及眾工作人員連忙衝上前，好彩排舞師在傍把阿嬌接住令她不致頭部着地，好在只是皮外傷，不過看見阿嬌雙手一大片瘀青，看見都感覺到痛呀！經過化妝師把瘀青修飾後，阿嬌再埋位後想繼續剛才的動作，立即被在場所有人阻止。 經過這一次，阿嬌順利打入最唔錫身藝人之列。
